حوار بين رمضان............ وفاطر

حوار بين الاستاذ رمضان وفاطر بيه

مقدم الحوار (( الأستاذ رمضان )) ,, فى حوار صريح جداً مع (( فاطر بيه )) .

* الأستاذ رمضان : مرحبا بك يا فاطر بية على طريق الهدى :-

- فاطر بية : مرحبا بك يا استاذ رمضان و مرحباً بضيوفك و زوارك من كل مكان فى العالم :-

* الاستاذ رمضان : أخبار رمضان معاك اية السنة دى يا فاطر بية ؟؟

- فاطر بية : زى كل سنة يا استاذ رمضان , اكيد انت عارف انى صائم طبعاً لأنه لا يجوز انه ييجى رمضان و منصوموش بردة .

* الأستاذ رمضان : يا ريت تكلمنا عن صيامك يا أستاذ فاطر حتى يستفاد الزوار و الأعضاء .

- فاطر بية : والله يا اخ رمضان انا بحاول انام بدرى لكن بردة بصحى على حوالى الساعة 4 و نص كدة و اهوة اقعدلى على التليفزيون شوية لحد ما مدفع الافطار يضرب .

* الأستاذ رمضان : طيب و الصلاة يا استاذ فاطر ؟؟

- فاطر بية : يا حج رمضان ماتدققش اوى كدة , الصلاة دى فى القلب يا عم و بعدين احنا فى شهر الصوم و اكيد ان شاء الله اول ما يدخل علينا العيد هبدأ انتظم فيها , و انت عارف يا حج رمضان انى مش بفوت صلاة الجمعة دى ابداً .

* الأستاذ رمضان : و أخبار المسلسلات و الافلام السنة دى أية يا فاطر بية ؟؟

- فاطر بية : يا سلام يا حج رمضان لو تابعت مسلسل (( البنات السبعة )) ولا بقى فيلم (( العشاق )) و لا يا سلام بقى لو شفت المسلسل بتاع الفضائية دة اللى اسمة (( مجنون مديحة )) ولا بقى لو شفت برنامج (( كلمتين و بس )) يااااااااة ,, دة انا يا اخى بستناهم من رمضان لرمضان الحاجات دى , دة غير الفوازير بقى و بكار و الحاجات الجامدة دى .

* الأستاذ رمضان : و أخبار البرامج الدينية أية يا فاطر بية ؟؟

- فاطر بية : والله انا دايماً أقلب القنوات عشان ادور على حاجة دينى لكن انت عارف ان الحاجات دى ميعادها متأخر اوى حوالى الساعة 3 و كدة و انت عارف انى بدأت انام بدرى عشان اصحى الساعة 4 و نص العصر .

* الأستاذ رمضان : و أخبار الخروجات اية فى رمضان يا فاطر بية ؟؟

- فاطر بية : يااااااااااااااة ,, لا لا متقولش على الخروجات , دة فى حبة قهاوى فتحوا فى رمضان ,, يا سلام ,, ولا بقى الحسين فى رمضان بيبقى متعة !! ,, ولا بقى الخروج ع الفجر كدة , بيكون فى حبة بنات ,, يا سلام .

* الأستاذ رمضان : أنت بطلت سجاير ولا اية يا فاطر بية ؟ انا شايفك مش بتشرب يعنى ؟؟

- فاطر بية : انت ناسى اننا فى النهار ولا اية ؟؟ مش انا صايم بردة ,, انا ببدأ اولع كدة ع الساعة 6 بعد المغرب على طول عشان اعمل دماغ و كدة و انت عارف بقى ,, بس انا ناوى ابطل السنة الجاية بإذن الله .

* الأستاذ رمضان : هوة دة يعتبر صيام يا فاطر بية ؟؟

- فاطر بية : يا حج رمضان انا بقولك مش باكل ولا بشرب ,, عيب عليك يا اخى ,, دة أمر من ربنا لازم نعملة ,, دى اهم حاجة الصيام يا حج ,, وانت اكيد عارف الكلام دة .

اللهم أهدى فاطر بية و أجعلة صائماً حقاً : تذكروا ان صيام رمضان ليس صيام عن الأكل و الشرب فقط و لكنة صيام عن المحرمات و تذكروا ان من أدرك رمضان و لم يُغفر له فهو خاسر كل الخسران و تذكروا أن هناك ليلة هى خير من ألف شهر , من أدى حقها فقد أُعتق من النار

منقووووووووووووووووووول

جزاكى الله خير يميكى بجد تسلم ايديك

تسلمى ميكى على الموضوع ده

شكرا كلمة حق على المرور الجميل

ورمضان كريم

شكرااااااااااااا ياعمر

دايما كده كتاباتك يا ميكى
بجد والله تسلم ايدك على الشغل الجامد أوى ده
وياريت نشوف كده دايما كتاباتك على طول

ربنا يخليك يارفعت

بعض ماعندكم والله

إيه الحلاوه دى

تحفه والله يا ميكى

تسلم إيدك

ومتحرميناش من مواضيعك الجميله دى

تسلمي يا ميكي هايل كعادتك

تسلم ايدك ميكى على الموضوع الرائع ده

فعلا موضوع جامد وتسلم ايديك

وجزاك الله كل خير

تسلم ايديكى

ميرسى ياسيموووووو
وميرسى يافراولة

تسلم يامودى
ربنا يخليك

شكرااااااااااااااااا عمر
على المرور الكريم